સામગ્રી
- 500 ગ્રામ તુરિયા
- 100 ગ્રામ ચણાનો લોટ
- 4-5 કળી લસણ
- 2-3 લીલા મરચાં
- લીલા ધાણા
- 1 ચમચી લાલ મરચું પાવડર
- 1 ચમચી હળદર
- મીઠું સ્વાદાનુસાર
- 1/2 ચમચી ધાણા જીરું પાવડર
- 1/2 ચમચી અજમો
- હીંગ
- 2 મોટા ચમચી તેલ
તુરીયા ની ઢોકળી બનાવવાની રેસિપી નો વિડિઓ:
પૂર્વ તૈયારી
- લીલા મરચાં અને લસણને જીણાં વાટીને રાખો.
- ચણાનાં લોટમાંથી ઢોકળી બનાવીને તૈયાર રાખો.
- તુરિયાને મોટા-મોટા સમારીને રાખો.
ચણાના લોટમાંથી ઢોકળી બનાવવાની રીત
- સૌ પ્રથમ એક વાસણમાં ચણાનો લોટ લો.
- તેમાં લાલ મરચું પાવડર, હળદર, મીઠું, ધાણા જીરું પાવડર, અજમો, જીણા સમારેલા ધાણા તથા અડધી ચમચી તેલ ઉમેરો. આ બધું ઉમેર્યા બાદ તેને બરાબર મિક્સ કરી લો.
- તેમાં થોડું-થોડું પાણી ઉમેરીને લોટ બાંધો. ધ્યાન રહે કે, લોટ ઢીલો ન થઇ જાય. લોટ બંધાઇ ગયા બાદ તેની નાની-નાની ગોળ ઢોકળી તૈયાર કરો.
શાક બનાવવાની રીત
- શાક બનાવવા માટે સૌ પ્રથમ એક કડાઇ લો.
- તેમાં મોટી 2 ચમચી તેલ ઉમેરીને તેને ગરમ થવા દો. તેલ ગરમ થઇ જાય ત્યારબાદ તેમાં વાટેલાં લીલા મરચાં અને લસણને મિક્સ કરીને ઉમેરો. ત્યારબાદ તેમાં જીરું ઉમેરો.
- તેમાં થોડી હીંગ નાખીને સમારેલા તુરિયા ઉમેરો.
- તેમાં હળદર, લાલ મરચું પાવડર અને મીઠું તથા ધાણા જીરું પાવડર ઉમેરો.
- તેમાં અડધા ગ્લાસ જેટલું પાણી ઉમેરો. ત્યારબાદ તેને બરોબર મિક્સ કરો અને તેને ઢાંકી દો.
- 2 મિનિચ પછી તેમાં ચણાના લોટમાંથી ત્યાર કરેલી ઢોકળી ઉમેરો. ત્યારબાદ ધીમી આંચ પર ઢોકળીને ચડાવો દો.
- થોડી-થોડી વારમાં શાકને હલાવતા રહેવું નહિ તો ઢોકળી કડાઇમાં ચોંટી જશે.
- ઢોકળી બરોબર ચડી જાય પછી તેમાં લીલા ધાણા ઉમેરો. તેને ગરમ-ગરમ રોટલી સાથે પીરસો.
આ પણ વાંચો – ચોમાસામાં તુરિયા ખાવાથી થતાં ફાયદા વિશે જાણો
આ આર્ટિકલ તમને ગમ્યો હોય તો તમારા મિત્રો અને સગા સંબંધી સાથે શેર કરો અને કોમેન્ટ બોક્સ માં કોમેન્ટ કરો.